Te Pāti Māori will establish a Kura Kaupapa Māori Education Authority
Te Pāti Māori will establish a Kura Kaupapa Māori Education Authority - Click to read more
I tērā Paraire, i whakatairangahia e te Te Roopu Whakamana i te Tiriti o Waitangi tō rātou pūrongo, ko Kei Ahotea Te Aho Matua – Pre-publication Version, mō te kerēme ohotata i kawea e Te Rūnanga Nui o ngā Kura Kaupapa Māori (Te Rūnanga Nui).
Ko tā te pūrongo i takahi te Karauna i ngā mātāpono o te patuitanga, te whakamarumaru, te mana taurite, me ngā kōwhiringa ake i tā rātou arotake mātauranga/kura. Me te aha, kāore te Karauna i kōrero, i whai whakaaro rānei ki Te Rūnanga Nui me ngā Kura Kaupapa Māori.
“He mea waiwai te mahi a te Karauna mō ēnei takahitanga i raro i Te Tiriti o Waitangi. Me tukuna te pūtea kia āhei ai ngā Kura Kaupapa Māori te mana motuhake ki te whakatū i tētahi mana mātauranga Kura Kaupapa Māori”. I kī te māngai mō te mātauranga nō Te Pāti Māori, a Tākuta Ferris.
“E pūrangiaho ana te kite i roto i ngā tau ka whai hua nui te marautanga o Te Aho Matua mō ngā tauira Māori. Heoi, i whakatau te kāwanatanga ki te tāmau i ēnei kaiwhakarato mai i te huarahi whakatau ka whakatauhia te oranga o te mātauranga mō ā tātou mokopuna.”
“Ki te hiahia te Karauna ki te whakawhāiti te angotanga i waenga i te iwi Māori me te Pākehā, me noho ki mua te whakamanatanga o ngā Kura Kaupapa Māori i roto i ngā whakarerekētanga o te mātauranga.”
“Mai i te kuhu o te tamaiti ki te Kōhanga Reo tae noa ki tana ekenga ki te Wharekura ka haere kōtui ia me te mōhio ki te uaratanga o te noho Māori. I te wā hoki ka eke ia ki te ao whānui ka kore rawa ia e ngaro i tana pupuri o tōna ahurea, whakapapa, me tōna tuakiri rānei.”
“Hei āpiti atu hoki ki ngā mahi pūhohe, i puta te kōrero a Te Tāhuhu o te Mātauranga i te rā kotahi, ka paunu rātou i te pūtea mai i ngā kaupapa rawa tekau mā rima mō ngā Kura Kaupapa Māori.”
“Āhea te Karauna e pono ai ki te whakamana i tōna herenga i Te Tiriti o Waitangi? Āhea rātou whakaae ai he nui ake te kaha o te iwi Māori ki te whakaora, ki te manaaki, ki te whakaako i tō mātou ake iwi mēnā kia tika te tohatoha o ngā rauemi ki a tātou?”
“Mā te Māori, mō te Māori, ki te Māori anake te huarahi whakamua. Mā Te Pāti Māori e whakatūturu kia tika ngā rauemi me te wāriu o te mātauranga o ngā kaupapa Māori, o te Aho Matua.” Hei tā Ferris.
Read more